काठमाडौं- काठमाडौं उपत्यकामा हाल ६ हजार ९१० जना कोरोनाका सक्रिय संक्रमित रहेको स्वास्थ्य तथा जनसंख्या मन्त्रालयको तथ्यांक छ।
पछिल्लो २४ घण्टामा काठमाडौं उपत्यकामा ४८४ जना कोरोना संक्रमित थपिएसँगै सक्रिय संक्रमितको संख्या ६ हजार ९१० पुगेको हो।
मन्त्रालयका अनुसार आइतबार काठमाडौंमा ३५१, ललितपुरमा ७४ र भक्तपुरमा ५९ जनामा कोरोना संक्रमण पुष्टि भएको छ। हालसम्म काठमाडौंमा ९० हजार ४२८ जनामा संक्रमण पुष्टि भएकोमा ८४ हजार ६६४ जना संक्रमणमुक्त भएका छन्। ४०७ जनाको मृत्यु भएको छ। हाल काठमाडौंमा ५ हजार ३५६ जना सक्रिय संक्रमित छन्।
त्यस्तै भक्तपुरमा ८ हजार १९७ जनामा संक्रमण पुष्टि भएकोमा ९५ जनाको मृत्यु भएको छ र हाल ४६५ जना सक्रिय संक्रमित छन्।
भक्तपुरमा १३ हजार ८३७ जनामा कोरोना संक्रमण पुष्टि भएकोमा १२२ जनाको मृत्यु भएको छ भने १२ हजार ६२६ जना निको भएका छन्। हाल ललितपुरमा १ हजार ८९ जना सक्रिय संक्रमित भएको मन्त्रालयको तथ्यांक छ।
पछिल्लो २४ घण्टामा नेपालमा १ हजार ९६ जना कोरोना संक्रमित भेटिएका छन्। योसँगै नेपालमा कुल संक्रमितको संख्या २ लाख ४० हजार ९८१ पुगेको स्वास्थ्य तथा जनसंख्या मन्त्रालयले जानकारी दिएको छ।