दाहाल–नेपाल निकट युवा विद्यार्थी भेला सुरु  

काठमाडौं– नेकपा सचिवालयका बहुमत पाँच जना शीर्ष नेताहरु पुष्पकमल दाहाल, माधवकुमार नेपाल, झलनाथ खनाल, वामदेव गौतम, नारायणकाजी श्रेष्ठ निकटका विद्यार्थी भेला काठमाडौमा सुरु भएको छ। 

काठमाडौंको थापाथली क्याम्पसमा सुरु भएको  भेलालाई स्थायी कमिटी सदस्य तथा वागमती प्रदेश कमिटी इन्चार्ज अष्टलक्ष्मी शाक्य, स्थायी कमिटी सदस्य पम्फा भुसाल, पूर्वविद्यार्थी नेताहरू लेखनाथ न्यौपाने, रामकुमारी झाँक्री लगायतले सम्बोधन गर्ने कार्यक्रम छ।

‘पार्टीमा पछिल्लो समय देखिएको परिस्थितिका बारेमा विद्यार्थी नेताहरुलाई जानकारी दिन भेला आयोजना गरिएको हो,’ अनेरास्ववियुका विद्यार्थी नेता माधव पन्तले भने, ‘पार्टी एकतालाई जोगाउन  युवा विद्यार्थी तहबाट खेल्नुपर्ने भूमिका केन्द्रित रहन्छ।’

पार्टीभित्र विवाद बढ्दै जान थालेपछि प्रधानमन्त्री केपी शर्मा ओली र दाहाल–नेपाल समूहले ठाउँ–ठाउँमा भेला र छलफल कार्यक्रम गर्दै आइरहेका छन्।