काठमाडौं– ब्रोकर कमिसन घटाउन माग गर्दै सेयर लगानीकर्ताले शुक्रबार नेपाल धितोपत्र बोर्ड घेराउ गरेका छन्।
नेपाल इन्भेष्टमेन्ट फोरम, सेयर लगानीकर्ता संघ नेपाल, नेपाल पुँजीबजार लगानीकर्ता संघ लगायत पाँचवटा संघले संयुक्त रुपमा हस्ताक्षर गरी ब्रोकर कमिसन तत्काल घटाउन माग गर्दै बोर्ड घेराउन गरेका हुन्।
उनीहरुले अनलाइन कारोबार हुँदा पनि ब्रोकरहरुले बढी कमिसन लिएको भन्दै कमिसन घटाउन दबाब दिनका लागि बोर्ड घेराउ गरेको जनाएका छन्। लगानीकर्ताहरुले आफ्ना मागसहित प्लाकार्ड बोकेका छन्।
‘२० करोडको कारोबारमा कमिसन जति ८ देखि १० अर्बको कारोबार पनि कमिसन उति, अनलाइन कारोबार घरमै बसीबसी लगानीकर्तासँग कमिसन लिने कसी कसी’ जस्ता नारा उनीहरुले प्रदर्शन गरेका हुन्।
उनीहरुको मुख्य माग भने दैनिक २० करोडको कारोबार हुँदा पनि ०.४० देखि ०.६० प्रतिशतसम्म लिने गरेकोमा अहिले दैनिक करिब ८ देखि १० करोडको कारोबार त्यो पनि अनलाईनमार्फत नै हुँदा पनि उत्ति नै कमिसन लिन नहुने रहेको नेपाल इन्भेष्टमेन्ट फोरमका अध्यक्ष छोटेलाल रौनियारले जानकारी दिए।