भैरहवा- भगवान बुद्धको जन्मस्थल लुम्बिनीमा आन्तरिक पर्यटकको चहलपहल सुरु भएको छ।
कोरोना महामारीका कारण लामो समयसम्म सुनसान बनेको लुम्बिनीमा केही मात्रामा पर्यटक आउन थालेका छन्। कतिपय परिवारसहित घुम्न आउने गरेका छन्।
लुम्बिनी विका कोषका सूचना शाखा अधिकृत राजन बस्नेतका अनुसार दैनिक १२ सयसम्म आन्तरिक पर्यटक लुम्बिनी आउन थालेका छन्।
यही मंसिर ३ गतेदेखि लुम्बिनी अवलोकनका लागि सर्वसाधारणलाई खुला गरिएको छ। खुलेको पहिलो दिन ३ साढे सात सय आन्तरिक पर्यटक आएको कोषले जनाएको छ।
छिटफुट रुपमा भारतीय पनि आउन थालेका छन्।