प्रदेश १ मा २८७ संक्रमित थपिए

विराटनगर– पछिल्लो २४ घण्टामा प्रदेश १ मा २८७ जना कोरोना संक्रमित थपिएका छन्। १ हजार ४११ जनाको पीसीआर परीक्षण गर्दा १३० महिला र १५७ पुरुषको रिपोर्ट पोजेटिभ आएको हो। 

मोरङमा १२२, झापामा ६१, सुनसरीमा ४८, संखुवासभामा १५, इलाममा ४, पाँचथर र उदयपुरमा ३–३, भोजपुरमा २, ताप्लेजुङ, खोटाङ र धनकुटामा १–१ र प्रदेश १ बाहिरका २६ जना रहेको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या २७ हजार ८२० पुगेको छ। प्रदेश १ मा विहीबार १० जना डिस्चार्ज भएका छन्।  

कोशी अस्पताल कोभिड १९ उपचार केन्द्र र विराट मेडिकल कलेजबाट ४–४ र मेची अस्पतालबाट २ जना डिस्चार्ज भएका हुन्। हालसम्म डिस्चार्ज हुनेको संख्या २२ हजार ४३७ पुगेको छ।