काठमाडौँ- नेपाली कांग्रेसका वरिष्ठ नेता रामचन्द्र पौडेलले सात दशको अथक प्रयासबाट प्राप्त गणतन्त्रमा पनि पुलिस पेलानबाट छुटकारा मिल्न नसकेको बताएका छन्।
सामाजिक सञ्जाल फेसबुकमार्फत उनले गणतन्त्रमा पनि पुलिसको दादागिरी उस्तै गरेको भन्दै चिन्ता ब्यक्त गरेका हुन् ।
उनले असली लोकतन्त्र कहिले साकार हुने हो ? भन्दै चिन्ता ब्यक्त गरेका छन् ।
गृहजिल्ला तनहुँमा पुल उद्घाटनका लागि पुगेका पौडेललाई कार्यक्रम स्थलबाटै प्रहरीले लछारपछारगरेर नियन्त्रणमा लिएको थियो। उक्त घटनाको चौतर्फी विरोध भएपछि प्रहरीले पौडेललाई बुधबार साँझ छाडेको थियो।
प्रहरीको कुटाइबाट दिउँसोभन्दा साझ र हिजोभन्दा आज बढी शरिर दुखेको पनि बरिष्ठ नेता पौडेलले फेसबुकमार्फत जनाएका छन् ।
उनले लेखेका छन्, ‘पुलिसको डण्डाबाट पेलिएका मेरा करङ दिउसो भन्दा साझ दुखेर आयो, हिजो भन्दा आज दुखाइ बढी छ।’