२४ घण्टामा १ हजार ४९० जना काेराेना संक्रमित थपिए

काठमाडौं- पछिल्लो २४ घण्टामा नेपालमा थप १ हजार ४९० जनामा कोरोना संक्रमण पुष्टि भएको छ। यो सहित नेपालमा कोरोनाबाट कुल संक्रमितको संख्या २ लाख ३६ हजार २४६ पुगेको छ।

आज देशभर सक्रिय संक्रमितको संख्या १६ हजार ५४७ रहेको स्वास्थ्य तथा जनसंख्या मन्त्रालयले जनाएको छ।

पछिल्लो २४ घण्टामा देशका विभिन्न ठाउँबाट १ हजार ५६७ जना कोरोना संक्रमणमुक्त भएर डिस्चार्ज भएका छन्।
आजसम्म डिस्चार्ज हुनेको कुल संख्या २ लाख १८ हजार १६१ पुगेको छ।

पछिल्लो २४ घण्टामा ८ हजार ३०० नमुनाको पीसीआर परीक्षण भएको छ। हालसम्म देशभर १७ लाख ५४ हजार ६३० जनाको कोरोना परीक्षण गरिएको छ।

पछिल्लो २४ घण्टामा नेपालमा ९ जनाको कोरोना संक्रमणबाट मृत्यु भएको छ। यो सहित कुल मृतकको संख्या १ हजार ५३८ पुगेको छ।