काठमाडौं- मनाङ र डोल्पामा कोरोना भाइरसका सक्रिय संक्रमितको संख्या शून्य छ।
मनाङमा पाँचजना संक्रमित भए पनि उनीहरू संक्रमणमुक्त भएका छन्।
यस्तै डोल्पामा पनि संक्रमण पुष्टि भएका ३० जना संक्रमणमुक्त भएको स्वास्थ्य तथा जनसंख्या मन्त्रालयले जनाएको छ।
मन्त्रालयको तथ्यांकअनुसार ६ जिल्लामा भने ५०० भन्दा बढी सक्रिय संक्रमित छन्।
झापा, काठमाडौं, भक्तपुर, ललितपुर, कास्की र रुपन्देहीमा सक्रिय संक्रमित ५०० बढी रहेको मन्त्रालयले जनाएको छ।