४०८ संक्रमित आईसीयू र भेन्टिलेटरमा उपचाररत

काठमाडौं– देशभर ४०८ जना कोरोना संक्रमितले आईसीयू र भेन्टिलेटरमा उपचार गराइरहेका छन्। 

स्वास्थ्य तथा जनसंख्या मन्त्रालयका अनुसार जसमध्ये ५४ जना भेन्टिलेटरमा र ३५४ जना संक्रमित आईसीयूमा छन्। 

आईसीयू र भेन्टिलेटरमा भएकामध्ये प्रदेश–१ मा ३७ जना आईसीयू र १० जना भेन्टिलेटरमा, प्रदेश–२ मा ४ जना आईसीयू र १ जना

भेन्टिलेटरमा, बागमतीमा ११५ जना आईसीयू र २९ जना  भेन्टिलेटरमा उपचार गराइरहेको मन्त्रालयले जनाएको छ। 

सबैभन्दा बढी गण्डकी प्रदेशमा ११७ जना संक्रमित आईसीयूमा छन्। गण्डकीमा ११ जना संक्रमित भेन्टिलेटरमा उपचार गराइरहेका छन्। 

त्यस्तै लुम्बिनी प्रदेशमा ६४ जना आईसीयू र २ जना भेन्टिलेटरमा भएको मन्त्रालयको तथ्यांक छ। 

कर्णाली प्रदेशमा ११ जना आईसीयू तथा सुदूरपश्चिममा ६ जना आईसीयू र १ जना भेन्टिलेटरमा छन्। 

शुक्रबार लुम्बिनी प्रदेशमा कोही पनि संक्रमिलाई भेन्टिलेटरमा राखिएको छैन। 

कुल १७ हजार २३७ जना संक्रिय संक्रमितमध्ये  १० हजार ९४४ जना होम आइसोलेसनमा छन्।