काठमाडौं– सत्तारुढ नेकपाका स्थायी कमिटी सदस्य रघुजी पन्त अस्पताल भर्ना भएका छन्।
पेटसम्बन्धी समस्या देखिएपछि पन्तलाई उपचारका लागि काठमाडौं मोडल अस्पताल भर्ना गरिएको नेकपा केन्द्रीय सदस्य एवम् विदेश विभाग उपप्रमुख विष्णु रिजाजले जानकारी दिएका छन्।
चिकित्सकका अनुसार पन्तको स्वास्थ्य अवस्था सामान्य छ। उनलाई केही दिन अस्पतालमा नै बसेर आराम गर्न चिकित्सकले सुझाव दिएका छन्।