त्रिशूलीमा भ्यान खस्दा बेपत्तामध्ये २ जनाको शव भेटियो 

काठमाडौं- प्युठानबाट बिरामी बोकेर काठमाडौं  आउँदै गरेको पिकअप भ्यान त्रिशूली नदीमा खस्दा बेपत्ता तीनमध्ये दुई जनाको शव भेटिएकाे छ। 

प्रहरीका अनुसार चालक सूर्य केसी र जमुना रोक्काको शव भ्यानभित्रैबाट निकालिएको हाे।  

आज बिहान साढे ५ बजे लु १ च ९७३१ नम्बरको पिकअप भ्यान चितवनको इच्छाकामना गाउँपालिका- ४ स्थित नागदी खोला भन्ने स्थानबाट करिब ६० मिटर तल  नदीमा खसेकाे थियाे। बेपत्ता एक जनाकाे रहेको खोजी भइरहेको छ।

पिकअपमा रहेका चारमध्ये एक जना घाइते भएका छन्। उनलाई उपचारका लागि भरतपुर अस्पताल पठाइएको छ।