काठमाडौं- बेलायती प्रसारण निगम (बीबीसी) ले २०२० का लागि छनोट गरेको विश्वका १०० प्रेरणादायक र प्रभावशाली महिलाहरूको सूचीमा नेपालकी किशोरी पनि परेकी छिन् ।
म्याग्दीको मंगला गाउँकी १८ वर्षीया सपना रोकामगर प्रेरणादायक र प्रभावशाली महिलाहरूको सूचीमा परेकी हुन् ।
सपनाको संस्थाले बेवारिसे शवहरूलाई धार्मिक विधि पूरा गर्दै दाहसंस्कार गर्ने गरेको छ। पशुपति आर्यघाटमा उनीहरुले यो काम गर्दै आएका छन् ।
'अग्रगामी परिवर्तनका लागि फरक काम गर्दै आएका' प्रभावशाली महिलाहरूलाई वर्षेनी बीबीसीले यो सूचीमा समावेश गर्ने गर्छ।
यो सूची फिनल्याण्डमा महिलामात्रै सम्मिलित गठबन्धन सरकारको नेतृत्व गर्ने सुन्ना मारिनदेखि चलचित्रकी नायिका मिसेल योहोसम्म सूचीकृत भएका छन्।