आईसीयू र भेन्टिलेटरमा ४२८ जना संक्रमित 

काठमाडौं– स्वास्थ्य तथा जनसंख्या मन्त्रालयका अनुसार देशभर ४२८ जना कोरोना संक्रमित विभिन्न अस्पतालका आईसीयू र भेन्टिलेटरमा उपचाररत छन्। जसमध्ये ६३ जना भेन्टिलेटरमा र ३६५ जना संक्रमित आईसीयूमा छन्। 

आईसीयू र भेन्टिलेटरमा रहेकामध्ये प्रदेश १ मा प्रदेश १ मा ५२ जना आईसीयू र ११ जना भेन्टिलेटरमा, प्रदेश २ मा ९ जना आईसीयू र १ जना भेन्टिलेटरमा छन्। 

सबैभन्दा बढी बागमती प्रदेशमा १४४ जना आईसीयू र ३४ जना भेन्टिलेटरमा छन्। त्यस्तै गण्डकी प्रदेशमा ८६ आईसीयू र १४ जना भेन्टिलेटरमा, लुम्बिनी प्रदेशमा ५८ जना आईसीयू र ३ जना भेन्टिलेटरमा, कर्णाली प्रदेशमा १२ आईसीयूमा र सुदूरपश्चिममा ४ आईसीयूमा उपचाररत रहेको मन्त्रालयको तथ्यांक छ। 

१८ हजार ८८४ जना संक्रिय संक्रमितमध्ये १३ हजार ६१२ जना संक्रमित होम आइसोलेसनमा छन्।