अंकदुरी बढाउने लयमा सोडिडाड

स्पेनिस ला लिगा अन्तर्गत आइतबार राति सम्पन्न खेलमा रियल सोसिडाडले जित निकालेको छ।

गत सिजनमा प्रोमोसन भएको टिम किर्डिजलाई १-० गोलले हराउँदै सोसिडाडले प्रतिस्पर्धात्मक जित निकालेको हो।

सोसिडाडको जितका लागि फरवार्ड अलेक्जेन्डर इस्कले निर्णायक गोल गरे। उनले खेलको ६६ औं मिनेटमा गोल गर्र्दै शीर्षस्थानको सोसीडाडलाई जित दिलाएका थिए।

त्यसअघि, पहिलो हाफको खेल बराबरीमा टुंगिएको थियो।

जितसहित शीर्षस्थानको सोसिडाडले एट्लेटिको मड्रिडसँग तीन अंकका अग्रता बनाएको छ। सोसिडाडको २३ अंक छ भने एट्लेटिकोको २० अंक छ।

ला लिगाकै आईतबार राति सम्पन्न खेलमा अलाभेस र भ्यालेन्सियाले २–२ गोलको बराबरी खेलेका छन्।