काबुलमा रकेट आक्रमणः मृत्यु हुनेको सङ्ख्या आठ पुग्यो 

काठमाडौं– अफगानिस्तानको राजधानी काबुलमा शनिबार भएको रकेट आक्रमणमा परी कम्तिमा आठ जनाको मृत्यु भएको छ।  

काबुलमा आतङ्ककारी समूहले करिब २३ राउण्ड रकेट आक्रमण गरेको सरकारी अधिकारीहरूले बताएका छन्।

प्रारम्भिक जानकारी अनुसार आक्रमणबाट आठ जनाको मृत्यु भएको छ भने कम्तिमा ३१ जना घाइते भएका छन्।

अफगानी गृह प्रशासनले आक्रमणमा तालिवान समूहको संलग्नता रहेको आरोप लगाएको छ। 

गृहमन्त्रालयका प्रवक्ता तारिक एरियानले आक्रमण तालिवान समूहले गराएको सूचना सरकारले पाएको बताउँदै घाइते सबैलाई सरकारले उपचारको व्यवस्था गर्ने बताए।