विराटनगर– प्रदेश १ मा कोरोना संक्रमितको संख्या २५ हजार नाघेको छ ।
अहिलेसम्म १ लाख ८२ हजार ६०७ जनाको पीसीआर परीक्षण गर्दा २५ हजार ७६ जनामा संक्रमण देखिएको हो । परीक्षण गरिएकामध्ये १३.७३ प्रतिशतमा संक्रमण देखिएको छ ।
प्रदेशमा शनिबार १३५ जना थपिएसँगै कुल संक्रमितको संख्या २५ हजार ७६ पुगेको ५। शनिबार मोरंगमा ६८, झापामा ५४, सुनसरीमा ६, इलाम र धनकुटामा ३–३ र पाँचथरमा १ जनामा संक्रमण देखिएको सामाजिक विकास मन्त्रालयले जनाएको छ ।
मन्त्रालयका अनुसार मोरङमा मात्र संक्रमितको संख्या ११ हजार ५२७ पुगेको छ । सुनसरीमा ७ हजार ८६४, झापामा ३ हजार ३७७, उदयपुरमा ४४५, इलाममा २६३, संखुवासभामा २२४, धनकुटामा १६८, पाँचथरमा १०६, ते¥हथुममा १०३, खोटाङमा ७८, भोजपुरमा ७१, ताप्लेजुङमा ५२, ओखलढुङमा ४४, सोलुखुम्वुमा २५ र प्रदेश १ बाहिरका ७२९ जनामा संक्रमण देखिएको छ ।
शनिबार सम्ममा प्रदेश १ बाट २० हजार ५८८ जना संक्रमणमुक्त भएका छन् ।
संक्रमित मध्ये ८२.१० प्रतिशत निको भएका छन्। प्रदेशमा सक्रिय संक्रमितको संख्या ४ हजार १६७ छ। तीमध्ये ३ हजार ९९३ जना होमआईसोलेसनमा छन् भने १७४ जना अस्पताल तथा आईसोलेसन सेन्टरमा छन् ।
सामाजिक विकास मन्त्रालयका अनुसार मोरङबाट ९ हजार ७०६ जना संक्रमणमुक्त भएका छन् । सुनसरीका ६ हजार ७६३, झापाका २ हजार ४४८, उदयपुरका ३४५, इलामका २०९, संखुवासभाका १६१, धनकुटाका १११, ते¥हथुमका ६३, पाँचथरका ५६, खोटाङका ५३, भोजपुरका ५२, ओखलढुङ्का ३९, ताप्लेजुङका ३५, सोलुखुम्बुका १९ र प्रदेश १ बाहिरका ५२८ जना निको भएको मन्त्रालयले जनाएको छ ।
शनिबार प्रदेश १ बाट ३६८ जना निको भएका छन् । होमआईसोलेसनबाट ३६५ र न्युरो अस्पतालबाट ३ जना डिस्चार्ज भएका हुन ।
प्रदेशमा कोरोना संक्रमणबाट कुल ३२१ जनाको मृत्यु भएको छ । मृत्यु भएकामध्ये २४ जना प्रदेश १ बाहिरका छन् । सामाजिक विकास मन्त्रालयका अनुसार सुनसरीका ११७, मोरङका ९९, झापाका ५९, उदयपुरका ७, धनकुटाका ६, ते¥हथुमका ४, ताप्लेजुङ र इलामका २–२, पाँचथरका १ र अन्य प्रदेशका २४ जनाको मृत्यु भएको हो ।