काठमाडौं- नेपालमा विगत २४ घण्टामा १ हजार ६७४ जनामा कोरोना भाइरस सङ्क्रमण पुष्टि भएको छ भने सात जनाको मृत्यु भएको स्वास्थ्य तथा जनसङ्ख्या मन्त्रालयले जनाएको छ।
केही महिनादेखि पर्याप्त परीक्षण नभए पनि जाँचिएका नमुनामा ठूलो दरमा सङ्क्रमण देखिएको छ।
यो वृद्धिसँगै नेपालमा पुष्टि भएका सङ्क्रमितको कुल सङ्ख्या दुई लाख १८ हजार नाघेको छ।
अहिले देशभर सक्रिय संक्रमितको संख्या २४ हजार ९ छ।
सरकारी तथ्याङ्कअनुसार १ लाख ९३ हजार ३२५ जना निको भइसकेका भने १ हजार ३०५ को संक्रमणका कारण मृत्यु भएको छ।
मन्त्रालयले शनिवार प्रकाशित गरेको विवरणमा २४ घण्टाको अवधिमा थप २ हजार ३२३ जना सङ्क्रमणमुक्त भएको उल्लेख छ।
यसअघि शुक्रवार १ हजार ९४५ जनामा सङ्क्रमण पत्ता लागेको थियो भने २२ जनाको मृत्यु भएको थियो।