सर्‍याे महिला क्रिकेट टी-२० विश्वकप

काठमाडौं- आईसीसी महिला क्रिकेट विश्वकप एक वर्षका लागि स्थगित भएको छ।

अन्तर्राष्ट्रिय क्रिकेट परिषद् (आईसीसी)ले बोर्ड बैठकबाट २०२२ मा आयोजना हुन लागेको विश्वकप एक वर्षपछि सार्ने निर्णय गरेको हो।

एक वर्ष धकेलिएको प्रतियोगिता २०२३ फेब्रुअरी ९ देखि २६ सम्म आयोजना गर्ने नयाँ मिति तोकिएको छ। प्रतियोगिता दक्षिण अफ्रिकामा हुनेछ।

यो वर्षको फेब्रुअरीमा सम्पन्न विश्वकपमा अष्ट्रेलिया विजयी भएको थियो। उसले यो वर्ष पाँचौ पटक विश्वकप जितेको हो।

अष्ट्रेलियामै आयोजित प्रतियोगिताको फाइनलमा उसले भारतलाई हाराएको थियो।