काठमाडौं– देशका उच्च पहाडी तथा हिमाली भेगको मौसम आंशिक बदली र अन्य स्थानमा सफा रहे पनि देशभर निरन्तर चिसो बढिरहेको छ।
जल तथा मौसम विज्ञान विभागको मौसम पूर्वानुमान महाशाखाका अनुसार अहिले देशका उच्च पहाडी र हिमाली क्षेत्रका एक, दुई स्थानमा आंशिक बढे पनि बाँकी भागमा मौसम सफा रहेको छ। तर देशभर चिसो भने बढिरहेको छ।
काठमाडौं उपत्यकाको आज विहानको न्युनतम तापक्रम ५ दशमलव ९ डिग्री सेल्सियस मापन भएको मौसम पूर्वानुमान महाशाखाले जनाएको छ।
आज दिउँसोको तापक्रम २२ डिग्री सेल्सियसम्म पुग्ने अनुमान महाशाखाको छ।