मेगा बैंकले पुर्‍यायो २ सय शाखा, आइतबारदेखि लमहीमा सेवा सुरु

काठमाडौँ- मेगा बैंक नेपाल लिमिटेडले दाङ जिल्लाको लमहीमा नयाँ शाखा विस्तार गरेको छ। 

आइतबार बैंकले लुम्बिनी प्रदेश अन्तरगत दाङ जिल्लाको लमही नगरपालिका-५ मा बैंकले नयाँ शाखा विस्तार गरी सेवा सुरु गरेको हो। 

योसंगै बैंकको शाखा संख्या २०० पुगेको छ। यसै आर्थिक वर्षमा बैंकले १३ वटा नयाँ शाखाहरु विस्तार गरिसकेको छ। 

निकट भविष्यमै थप ३ वटा शाखा विस्तार गर्ने मेगा बैंकको तयारी छ।