मानुङकोटमा युवकको शव भेटियाे

पोखरा– तनहुँको व्यास ५ मानुङकोटमा एक व्यक्ति मृत फेला परेका छन्। पछिल्लो समय आन्तरिक पर्यटकको रोजाइ बनेको मानुङकोटमा बुधबार युवकको शव भेटिएको हो।

शुक्लागण्डकी ७ खैरेनीटारका ३५ वर्षीय सागर थापा मानुङकोटमा मृत फेला परेको जिल्ला प्रहरी कार्यालय तनहुँका डीएसपी युवराज तिमिल्सिनाले जानकारी दिए। 

‘हामीलाई बिहान ११ बजे बिहान जानकारी आएपछि अनुसन्धानमा गयौं, सागरको समूहले मानुङकोटमा रात बिताएको बुझिएको छ,’ तिमिल्सिनाले भने। घटनाबारे थप अनुुसन्धान भइरहेको तनहँु प्रहरीले जनाएको छ।