आईसीयू र भेन्टिलेटरमा ३८० जना कोरोना संक्रमित

काठमाडौं– देशभर अहिले ३८० जना कोरोना संक्रमित आईसीयू तथा भेन्टिलेटरमा उपचाररत रहेको स्वास्थ्य तथा जनसंख्या मन्त्रालयले जनाएको छ।

तीमध्ये ५४ जना गम्भीर अवस्थाका संक्रमित भेन्टिलेटरमा छन् भने ३२६ जना संक्रमित आईसीयूमा छन्। बुधबार सबैभन्दा बढी बागमती प्रदेशमा ११९ जना आईसीयूमा र २९ जना भेन्टिलेटरमा उपचाररत रहेको मन्त्रालयले जनाएको छ। 

त्यस्तै प्रदेश १ मा ४९ जना आईसीयूमा र ७ जना भेन्टिलेटरमा छन् भने प्रदेश २ मा १० जना आईसीयूमा र २ जना भेन्टिलेटरमा छन्।

गण्डकी प्रदेशमा ७९ जना आईसीयूमा र १२ जना भेन्टिलेटरमा उपचाररत छन् । 

त्यस्तै लुम्बिनी प्रदेशमा ५५ जना आईसीयूमा र ४ जना भेन्टिलेटरमा उपचाररत छन् भने  कर्णाली प्रदेशमा ९ जना आईसीयूमा र सुदूरपश्चिममा ५ आईसीयूमा उपचाररत छन्।