जुम्लाको कनकासुन्दरी गाउँपालिका–२ बिताको लेखमा भालुले १२ वटा भेडा मारेको छ। राति १० बजे गोठमा पसेर भालुले भेडा मारेको भेडाधनी रतिमान रावतले बताए।
लामो समयसम्म भेडा पाल्दै आएका रावतले तिहारकै बेला यस्तो दशा आइलागेको गुनासो गरे। वर्ष दिनको मेहनत एकै दिनमा जाँदा रतिमानको परिवारमा दुःख छाएको छ। रारा राष्ट्रिय निकुञ्जले गर्दा भेडा पाल्नेलाई धेरै घाटा भएको उनी बताउँछन्।
निकुञ्जबाट निस्केर भालुले धेरै भेडा मारेको खबर पाउँदा पनि गाउँपालिका भने बेखबर भएको गुनासो उनले गरे।
-रासस