कोरोनाबाट धरानमा १९ वर्षीया युवतीको मृत्यु 

धरान-  कोरोना भाइरसको संक्रमणबाट सुनसरीको बराहक्षेत्र नगरपालिका ५ की एक युवतीको धरानमा उपचारका क्रममा मृत्यु भएको छ।

धरानमा रहेको बीपी कोइराला स्वास्थ्य विज्ञान प्रतिष्ठानमा उपचारका क्रममा १९ वर्षीया सङ्क्रमित युवतीको मृत्यु भएको हो । 

प्रतिष्ठानका सहप्रवक्ता डा. आशिष श्रेष्ठका अनुसार, पाँच दिनअघि सुत्केरी भएकी उनलाई शुक्रबार मात्र कोभिड अस्पताल भर्ना गरिएको थियो । 

शुक्रबारै उनको कोरोना पोजिटिभ रिपोर्ट आएको थियो । शनिबार उपचारको क्रममा उनको मृत्यु भएको हो । 

यससँगै प्रतिष्ठानमा मृत्यु हुनेको सङ्ख्या ९८ पुगेको छ ।