कस्तो हुनेछ आज सातै प्रदेशको मौसम ? 

काठमाडौं- चिसो बढ्दै गएपनि आज देशका अधिकांश भू–भागको मौसम सफा रहनुका साथै घाम लाग्ने मौसम पूर्वानुमान महाशाखाले जनाएको छ । 

महाशाखाका अनुसार प्रदेश १ र गण्डकी प्रदेशका उच्च पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने छ । 

शुक्रबार राति पनि प्रदेश १ र गण्डकी प्रदेशका केहि स्थानबाहेक अधिकांश भूभागमा मौसम सामान्यतया सफा रहने छ।

यस्तै भोलि शनिबार कर्णाली र सुदूरपश्चिम प्रदेशमा आंशिकदेखि सामान्य बदली तथा बाँकी प्रदेशका पहाडी भु–भागमा आंशिक बदली रही अन्य भू–भागमा मौसम सामान्यतया सफा रहनेछ । 

कर्णाली र सुदूरपश्चिम प्रदेशका एक दुई स्थानमा हल्का बर्षाको सम्भावना छ ।

हाल कुनै उल्लेखनीय मौसमी प्रणाली नरहेको महाशाखाले जनाएको छ।