कोरोनाबाट गम्भीर ८७ जना भेन्टिलेटरमा, ३७३ जना आईसीयूमा

काठमाडौं-  कोरोना संक्रमणबाट सिकिस्त बिरामी भएका ८७ जनाको देशका विभिन्न अस्पतालको भेन्टिलेटरमा उपचार भइरहेको छ। यस्तै ३७३ जना संक्रमित आईसीयूमा रहेको स्वास्थ्य तथा जनसंख्या मन्त्रालयले जनाएको छ। 

बिहीबारसम्म सबैभन्दा बढी ५८ जना भेन्टिलेटरमा छन्। यस्तै बागमतीमा १६४ जना आईसीयूमा रहेको मन्त्रालयको विवरणमा उल्लेख छ। गण्डकी प्रदेशमा ११ जना भेन्टिलेटरमा छन् भने ६९ जना आईसीयूमा छन्। 

प्रदेश १ मा १२ जना भेन्टिलेटरमा र ४८ जना आईसीयूमा उपचाररत छन्। लुम्बिनी प्रदेशमा चार जना भेन्टिलेटरमा र ६५ जना आईसीयूमा छन्। 

प्रदेश २ मा दुई जना भेन्टिलेटरमा र १४ आईसीयूमा उपचाररत रहेको मन्त्रालयले जनाएको छ।   कर्णाली प्रदेशमा आठ र सुदूरपश्चिममा पाँच जना संक्रमित आईसीयूमा छन्।