रौतहटमा सुतिरहेकी युवतीको गोली हानी हत्या

रौतहट- रौतहटको माधवनारायण नगरपालिका–७ लौकाहा टोलमा एक युवतीको गोली हानी हत्या भएको छ। 

रामअयोध्या साहकी १८ वर्षीया छोरी अमृता कुमारीको सुतिरहेको अवस्थामा बुधबार राति गोली हानी हत्या भएको हो। उनको हत्या कसले किन गर्यो भन्ने खुल्न नसकेको रौतहट प्रहरीले जनाएको छ।

राति ११ बजेको समयमा अज्ञात समूहले घरमा सुतिरहेकी अमृताको कन्चटमा गोली प्रहार गरेर हत्या गरेको जिल्ला प्रहरी कार्यालय रौतहटका प्रवक्ता डीएसपी भरत श्रेष्ठले जानकारी दिए।

युवतीको घटनास्थलमै मृत्यु भएको थियाे। घटनाको अनुसन्धान सुरु गरिएको प्रवक्ता श्रेष्ठले बताए ।