होम आइसोलसनमा बसेका अस्पतालका कर्मचारीको मृत्यु

पर्सा- सप्तरीमा कोरोना संक्रमित एक युवकको होम आइसोलेसनमै मृत्यु भएको छ।

गजेन्द्र नारायण सिंह अञ्चल अस्पताल राजविराजको फार्मेसीमा कार्यरत २८ वर्षीय युवकको कोरोना संक्रमणबाट मृत्यु भएको हो।

केही दिनअघि कोरोना पोजेटिभ देखिएपछि उनी होम आइसोलेसनमा बसेका थिए।

सुरुमा ज्वरो देखिए पनि पछिल्लो चार दिनयता उनको स्वास्थ्य अवस्था सामान्य रहेकोमा अचानक उनको मृत्यु भएको अस्पतालले जनाएको छ।

योसँगै सप्तरीमा कोरोना संक्रमणबाट मृत्यु हुनेको संख्या २९ पुगेको जिल्ला स्वास्थ्य कार्यालय सप्तरीले जनाएको छ।