सर्लाहीमा ६ जुवाडे पक्राउ

जनकपुरधाम- सर्लाहीमा जुवा खेलिरहेका  ६ जना जुवाडे पक्राउ परेका छन्।

मंगलबार साँझ सर्लाहीको बरहथवा नगरपालिका ६ का शम्भु सिंहको घरमा जुवा खेलिरहेका ६ जनालाई करिब ६९ हजार रुपैयाँसहित प्रहरीले नियन्त्रणमा लिएको हो। 

पक्राउ पर्नेमा बरहथवा नगरपालिका ६ का ४८ वर्षीय शम्भु सिंह, वडा नम्बर १६ का ३० वर्षीय मनोज राय, वडा नम्बर ५ का ३८ वर्षीय महमद हुसेन कवाडी,  वडा नम्बर ६ का ४२ वर्षीय राम प्रवेश महतो, वडा नम्बर ७ का ३८ वर्षीय दिनेश साह र ५५ वर्षीय रामानन्द दासलाई नियन्त्रणमा लिइएको जिल्ला प्रहरी कार्यालय सर्लाहीले जनाएको छ। 

जिल्ला प्रहरी कार्यालय सर्लाहीका प्रहरी नायव उपरीक्षक उद्धवसिंह भाटको नेतृत्वमा खटेको प्रहरीको टोलीले उनीलाई ६० हजार ९ सय ९५ रुपैयाँ र ५ हजार २ सय भारतीय रुपैयाँसहित पक्राउ गरिएको हो।