काठमाडौं– काठमाडौं उपत्यका कोरोना भाइरस संक्रमणबाट आइतबारसम्म ३६२ जनाको मृत्यु भएको छ।
सबैभन्दा बढी काठमाडौंमा २३४ जनाको मृत्यु भएको छ। यस्तै ललितपुरमा ६२ र भक्तपुरमा ६२ जनाको मृत्यु भएको स्वास्थ्य तथा जनसंख्या मन्त्रालयको विवरणमा उल्लेख छ।
मन्त्रालयका अनुसार काठमाडौंमा आजसम्म ६३ हजार २१७ जनामा कोरोना संक्रमण भएको छ। तीमध्ये ४६ हजार ७५४ जना कोरोनामुक्त भएका छन् भने १६ हजार २२९ जनाको उपचार भइरहेको छ।
भक्तपुरमा कुल संक्रमितको संख्या पाँच हजार ७९५ पुगेको छ। तीमध्ये चार हजार ७२९ जना निको भएका छन्। एक हजार जना सक्रिय संक्रमित छन्।
ललितपुरमा आठ हजार ९५८ जनामा कोरोना संक्रमण भएकामा ६ हजार ५५४ जना कोरोनामुक्त भएका छन्। सक्रिय संक्रमितको संख्या दुई हजार ३४२ रहेको मन्त्रालयको विवरणमा उल्लेख छ।
देशभर आजसम्म कोरोना संक्रमणबाट मृत्यु हुनेको संख्या ९६० पुगेको छ। कुल संक्रमितको संख्या एक लखा ७३ हजार ५६७ पुगेको छ भने एक लाख ३४ हजार ८४२ जना कोरोनामुक्त भएका छन्।
सक्रिय संक्रमितको संख्या ३७ हजार ७६५ रहेको छ। निको हनुे दर ७७.७ प्रतिशत रहेको मन्त्रालयले जनाएको छ।