नेपाली कांग्रेस पोखरा सभापतिमा सुरेन्द्रमान

पोखरा- नेपाली कांग्रेसको पोखरा महानगरपालिकाको सभापतिमा सुरेन्द्रमान विजुक्छे विजयी भएका छन्। कूल खसेको मत मध्ये विजुक्छे ४ सय १४ मत ल्याएर विजयी भएका हुन्। उनका निकटतम प्रतिद्वन्द्वी गंगाधर पराजुलीले ३ सय ४६ मत प्राप्त गरेका छन्।

सभापतिमा ६ जना चुनावी प्रतिस्पर्धामा रहेका थिए। उपसभापतिमा भवसागर बराल र प्रयागराज भण्डारी निर्वाचित भएका छन्। यस्तै टुबराज बाँस्तोला र गणेशबहादुर थापा सचिवमा विजयी भएका छन्।

सहसचिवमा संघर्ष कोइराला र सन्जय आले निर्वाचित भएका छन्। शनिबार सम्पन्न निर्वाचनको मतपरिणाम आइतबार बिहान सार्वजनिक भएको हो। निर्वाचनमा कूल १ हजार ३ सय ४४ मत खसेको थियो।