सुदूरपश्चिममा संक्रिय संक्रमितको संख्या १४ सय दुई पुग्यो, सात हजार ४२१ निको भए

धनगढी- सुदूरपश्चिम प्रदेशका बिभिन्न जिल्लामा संक्रिय संक्रमितको संख्या एक हजार ४०२ पुगेको छ।

प्रदेश स्वास्थ्य निर्देशनालय डोटीका अनुसार सबैभन्दा धेरै कैलालीमा ६३६, डोटीमा १४६, कञ्चनपुरमा १४१, बझाङमा १४५, अछाममा ८०, बैतडीमा ५२, डडेल्धुरामा ६१, दार्चुलामा १३० जना र बाजुरा ६ जना संक्रिय संक्रमित छन्।

सुदूरपश्चिममा हालसम्म सात हजार ४२१ जना डिस्चार्ज भएका छन। मंगलबार अछामबाट १४ जना, बैतडीबाट ३ जना, कञ्चनपुरबाट २ जना, बझाङबाट ५ जना, दार्चुलाबाट १ जना महाकालीबाट ५ जना गरि ३० जना डिस्चार्ज भएका हुन्। 

सुदूरपश्चिममा २ हजार ७५६ जनाको स्वावको रिर्पोट आउन बाँकी रहेको स्वास्थ्य निर्देशनालयले जनाएको छ। प्रदेशमा हालसम्म कुल संक्रमितको संख्या ८ हजार ८ सय ४२ पुगेको छ। प्रदेशमा २१ जना कोरोना संक्रमितको मृत्यु भएको छ।