कांग्रेस इटहरी सभापतिमा पौडेल विजयी

विराटनगर– नेपाली कांग्रेसको १४औं महाधिवेशनअन्तर्गत सुनसरीको इटहरी उपमहानगरपालिकाको सभापतिमा हेमकर्ण पौडेल निर्वाचित भएका छन्। उनले संस्थापन पक्षका विकास केसीलाई पराजित गरे गर्दै जित हासिल गरेका हुन्। 

पौडेलले २५३ मत ल्याए भने केसीले २११ मत ल्याए। १३औं महाधिवेशनमा पनि पौडेलले केसीलाई नै पराजित गरेका थिए। 

उपमहानगर उपसभापतिमा पौडेल प्यानलका कोविद कार्की र केसी प्यानलका बालकृष्ण विष्ट निर्वाचित भएका छन्। सचिवमा पनि केसी प्यानलका मन्दिप भट्टराई र पौडेल प्यानलका विक्रम घिमिरे निर्वाचित भएका छन्। 

यता उपाध्यक्षमा हेमकर्ण प्यानलका कोबिद कार्की र विकास प्यानलका बालकृष्ण बिष्ट विजयी भए। सचिवमा बिकास प्यानलको मन्दिप भट्टराई र हेमकर्ण प्यानलका विक्रम घिमिरे निर्वाचित भएका छन्। सहसचिवमा पौडेल प्यानलका ईश्वर तामाङ र केसी प्यानलकी मेनुका गिरी निर्वाचित भएकी छन्।