हेटौडाका संक्रमितको चितवनमा मृत्यु

भरतपुर- भरतपुर अस्पतालमा उपचारका क्रममा एक पुरुषको कोरोना संक्रमणका कारण मृत्यु भएको छ। हेटौंडा उप–महानगरपालिका वडा नम्बर ९ प्रगतिटोलका ६६ वर्षीय पुरुषको चितवनमा मृत्यु भएको हो।

अस्पतालका सूचना अधिकारी लिलाधर पौडेलका अनुसार असोज २७ गते ज्वरो, खोकी र श्वासप्रश्वासको समस्या भई अस्पताल भर्ना भएका उनमा २८ गते कोरोना संक्रमण पुष्टि भएको थियो।

संक्रमण पुष्टि भएसँगै कोभिड सघन उपचार कक्षमा उपचारका क्रममा उनको आज साँझ सवा ६ बजे मृत्यु भएको सूचना अधिकारी पौडेलले जानकारी दिए। रासस