मोरङ- मोरङको बूढीगंगा गाउँपालिका ३ का कोरोना सङ्क्रमित एक पुरुषको उपचारको क्रममा विराट शिक्षण अस्पतालमा मृत्यु भएको छ।
बुढीगंगास्थित शिक्षण अस्पतालको आइसोलेसनमा उपचाररत ६० वर्षीय पुरुषको मंगलबार राति मृत्यु भएको आइसोलेसन प्रमुख सुनिल देवले जानकारी दिए।
मृतकलाई असोज १५ गते कोरोना सङ्क्रमण पुष्टि भएको थियो। त्यसयता उनलाई आइसोलेसनमा उपचारका लागि भर्ना गरिएको थियो। उनी श्वासप्रश्वास र मृगौलासम्बन्धी बिरामी थिए।