काठमाडौंका यी स्थानमा आज विद्युत काटिने

काठमाडौं- नेपाल विद्युत् प्राधिरकणले वितरण फिडर मर्मतका लागि आज (मंगलबार) बिहान राजधानीका विभिन्न स्थानमा विद्युत् काट्ने भएको छ। 

प्राधिकरणका सूचना अधिकारी लीला अर्यालका अनुसार रत्नपार्क वितरण केन्द्रको टेकु फिडरअन्तर्गतका झण्डै डेढ दर्जन स्थानमा आज बिहान ६ः ३० देखि १० बजेसम्म विद्युत् काटिन लागेको हो।

प्राधिरकणका अनुसार टेकु सबस्टेशन अगाडिबाट पचली भैरव, नेपाल उद्योग वाणिज्य महासंघ, टेकुचोक, त्रिपुरेश्वर चोक नपुग्दै भाटभटनी सुपरमार्केट अगाडिसम्म विद्युत् काटिने छ। 

यस्तै टेकु वंशीमार्फत सुकुम्बासी टोल जाने बाटोसम्म, कालीमाटी फिडरअन्तर्गत पर्ने टेकु नेशनल ट्रेडिङ  हुँदै हनुमन्त भीसेनस्थान, परोपरकार, रामघाट, शान्ति निकेतन स्कूल, मरुहिटी, ढोकाटोल, नरदेवी अस्पताल अगाडिसम्म विद्युत् काटिनेछ।

यस्तै क्षेत्रपाटीचोक, जैशीदेवल, ज्यावबहाल,  भीमसेनस्थान  फिडरअन्तर्गत अन्डरग्राउण्ड हुँदै टेकु नेशनल ट्रेडिङको बाहिरपट्टि काठमाडौं विजनेशपार्क हुँदै १२ नं वडा कार्यालय, ब्रम्हटोल, जैशीटेवल चोक, ज्यावहाललगायतका स्थानमा विद्युत् कटौती हुने भएको छ। 

प्राधिकरणले तोकिएको समयअगावै तोकिएको कार्य सकिएको खण्डमा विद्युत् पुनः सञ्चालनमा आउन सक्ने सूचना अधिकृत अर्यालले जानकारी दिए।