काठमाडौं- सत्तारुढ दल नेपाल कम्युनिष्ट पार्टी (नेकपा) का स्थायी कमिटी सदस्य भीम रावलले मुख्यमन्त्रीविरुद्ध पार्टीकै सांसदहरुले प्रस्ताव दर्ता गर्नु अनिष्टको संकेत हुनसक्ने बताएका छन्।
रावलले ट्वीट गर्दै स्थायी कमिटी बैठकको निर्णय कार्यान्वयन नहुँदै कर्णाली प्रदेशका मुख्यमन्त्रीविरूद्ध पार्टीकै सांसदहरूले प्रस्ताव दर्ता गर्नु अनिष्टको संकेत हुनसक्ने बताएका हुन्।
नेकपा स्थायी समिति बैठकले विधि र पद्धतिमा जोड दिँदै संघीय र प्रदेश सरकारमा हेरफेर गर्ने निर्णय गरेको थियो।
रावलले यस विषयमा समयमै नेतृत्वको गम्भीर ध्यान जानुपर्ने बताएका छन्। उनले देशहित नै ठूलो भएको प्रष्ट पारेका छन्।