क्रिकेटमा सट्टाबाजी गर्ने सात पक्राउ

काठमाडौं– यूएईमा जारी इन्डियन प्रिमियर लिग (आईपीएल) क्रिकेटमा सट्टाबाजी खेलाउने सात जना पक्राउ परेका छन्।

राजधानीको कालीमाटी क्षेत्रमा सट्टाबाजी भइरहेको सूचनाका आधारमा महानगरीय प्रहरी वृत्त कालीमाटीबाट डीएसपीको कमान्डमा खटिएको प्रहरीले सातजनालाई पक्राउ गरेको हो।  पक्राउ पर्नेमध्ये चारजना भारतीय छन्। 

पक्राउ पर्नेमा कमलपोखरीको कोनार्क इन होटलमा बस्दै आएका कुलदीप शरण, सञ्जीव शरण, कुलेश्वर बस्दै आएका अजय गौतम र नविज जैन छन्।  

त्यस्तै सिन्धुपाल्चोक घर बताउने प्रदीप घिमिरे, कुलेश्वरका उत्तम सापकोटा, सोल्टीमोडका अनिलकुमार वंशललाई पनि पक्राउ गरिएको छ। 

उनीहरुको साथबाट २ थान मोटरसाइकल र एक लाख ८५ हजार १२० रुपैयाँ बरामद गरिएको प्रहरीले जनायो।