खेलकुद

युरोपा लिग : मिलान र रोमाको जित, नापोली बराबरीमा रोकियो

1607045272.jpg

काठमाडौं- युरोपा लिग अन्तर्गत बिहीबार राति सम्पन्न खेलमा इटालियन क्लब एसी मिलानले स्कटिस टिम सेटिकलाई ४–२ गोल अन्तरले हराएको छ।

NLG Insurance
agrakhi
Yeti parketing

घरेलु मैदानमा सम्पन्न खेलमा जितका लागि हकान काल्हनोग्लु, सामू कास्टिलेजो, जिन्स पिटर र ब्राहिम डियाजले समान १–१ गोल गरे।

जितसँगै मिलान युरोपा लिगको अर्को चरणमा प्रवेश गरेको छ। समूह एच को शीर्षस्थानमा रहेको लिल्ले पनि युरोपा लिगको नकआउट चरणमा प्रवेश गरेको छ।

बिहीबार रातिकै खेलमा योङ बोइजविरुद्ध रोमाले ३–१ गोल अन्तरको पुनरागमन जित निकालेको छ।

रोमाको मैदानमा सम्पन्न खेलमा पाहुना टिमलाई हराउँदै ऊ समूह ए को शीर्षस्थानमा छ। यससँगै ऊ लिगको दोस्रो चरणमा प्रवेश गरेको छ।

त्यस्तै समूहको दोस्रो स्थानमा रहेको योङ बोइज नकआउट चरणमा प्रवेश गर्न अर्को खेलमा जित वा बराबरी खेल्नुपर्ने भएको छ।

यता अर्को इटालियन क्लब नापोली भने एजेट अल्कमारको मैदानमा १–१ गोलको बराबरीमा रोकिएको। सुरुवाती अग्रता जोगाउन नसक्दा नोपोली बराबरीमा रोकिएको हो।

बराबरीसँगै उसको नकआउट यात्रा सफल भइसकेको छैन। समूह एफको शीर्षस्थानमा रहे पनि आगामी चरणमा प्रवेशका लागि अर्को खेलमा जित वा बरबरी खेल्नुपर्ने छ।

सोही समूहको रियल सोडिडाडले पनि रिजेकासँग २–२ गोलको बराबरी खलेलेको छ। उससलाई अर्को चरणमा प्रवेश गर्नको लागि बाँकी एक खेलमा अनिवार्य जित निकाल्नु पर्ने भएको छ।
 

प्रतिक्रिया दिनुहोस्