काठमाडौं- बाजुरा र सिन्धुलीमा भरुवा बन्दुकसहित ३ जना पक्राउ परेका छन्।
बाजुराको त्रिबेणी नगरपालिका २ छतारा बस्ने २८ वर्षीय प्रेम बुढालाई १ थान एकनाले भरुवा बन्दुकसहित प्रहरीले पक्राउ गरेको छ। प्रहरी चौकी मौरेबाट खटिएको प्रहरीले उनको घर तलासी गर्दा उक्त हतियार फेला पारेको हो।
त्यस्तै सिन्धुली फिक्कल गाउँपालिका ६ डाडाटोल बस्ने २४ वर्षीय तिर्थ बहादुर तामाङलाई १ थान भरुवा बन्दुकसहित प्रहरीले पक्राउ गरेको छ।
प्रहरी चौकी रत्नावतीबाट खटिएको प्रहरीले तिर्थबहादुर तामाङको घरमा तलासी गर्दा घरको भर्याङको चेपमा लुकाई राखेको अवस्थामा उक्त हतियार फेला पारेको हो ।
अनुसन्धान गर्ने क्रममा बन्दुक तिर्थ बहादुरका दाइ ३१ वर्षीय राज कुमार तामाङको भन्ने खुल्न आएपछि राज कुमारलाई समेत प्रहरीले नियन्त्रणमा लिएको छ। घटनाका सम्बन्धमा अनुसन्धान भइरहेको प्रहरीले जनाएको छ।