चिकित्सा शिक्षासँग जोडिएका विभिन्न माग राखेर अनशनरत डा. गोविन्द केसीको अनशन तोडाउन निर्णायक भनिएको वार्ता बिना निष्कर्ष टुंगिएको छ।
सरकारले गठन गरेको वार्ता समिति र डा. केसीको वार्ता टोलीबीच आज राति ९ बजेदेखि शिक्षा मन्त्रालयमा वार्ता भए पनि सहमति जुट्न नसकेको केसी पक्षका वार्ता संयोजक डा. जीवन क्षेत्रीले जानकारी दिए।
आजै सहमति गर्ने र राति नै डा. केसीको अनशन तोडाउने तयारी थियो।
यसअघि हिजो बिहीबार पनि विभिन्न चरणमा वार्ता भएको थियो। सरकारले शिक्षा सचिव गोपीनाथ मैनालीको नेतृत्वमा ३ सदस्यीय वार्ता टोली गठन गरेको छ भने डा. केसीको तर्फबाट डा. जीवन क्षेत्रीको नेतृत्वमा ४ सदस्यीय वार्ता टोली गठन भएको छ।