धरानमा दुई जना कोरोना संक्रमितको मृत्यु

काठमाडौं- बीपी कोइराला स्वास्थ्य विज्ञान प्रतिष्ठान धरानमा दुई जना कोरोना संक्रमित पुरुषको मृत्यु भएको छ। 

प्रतिष्ठानको कोराना अस्पतालमा उपचारका लागि असोज २२ गते भर्ना भएका ६८ वर्षीय पुरुषको गए राति साढे १२ बजे मृत्यु भएको अस्पतालका सह–प्रवक्ता आशिष श्रेष्ठले जनाएका छन्। 

इटहरी ६ सुनसरीका तीं पुरुषलाई  असोज २० गते कोरोना संक्रमण पुष्टि भएको थियो । 

त्यस्तै दहवीका ५२ वर्षीय पुरुषको पनि राति दुई बजे मृत्यु भएको छ। कोरो संक्रमण पुष्टि भएपछि प्रतिष्ठानको कोरोना अस्पतालमा उनलाई असोज १२ गते भर्ना गरिएको थियो।  

उनलाई मृगौलासम्बन्धि समस्या समेत भएको अस्पतालले जनाएको छ। दुवै शवको नियमानुसार व्यवस्थापन भइरहेको अस्पतालले जनाएको छ।