झापामा आजसम्म कोरोनाबाट १२ जनाको मृत्यु

 दमक– झापा जिल्लामा कोरोना संक्रमणबाट आजसम्म १२ जनाको मृत्यु भएको छ। 

कोरोना भाइरस सङ्क्रमणबाट झापा, दमकका एक जना पुरुषको मृत्यु भएसँगै जिल्लामा मृतकको संख्या १२ पुगेको हो।  

दमक नगरपालिका ९ का ५२ वर्षीय सङ्क्रमित पुरुषको धरानस्थित विपी कोइराला स्वास्थ्य विज्ञान प्रतिष्ठान उपचारका क्रममा बिहीबार मृत्यु भएको हो।

गत असोज १८ गते अस्पताल भर्नासँगै सङ्क्रमण देखिएका उनको बिहीबार उपचारका क्रममा मृत्युभएको प्रतिष्ठानका सहप्रवक्ता डा आशिष श्रेष्ठले जानकारी दिए।