समाज

वीरगंजमा निगरानी बढाउन थप एक करोड खर्चेर सीसीटिभी क्यामरा जोडिँदै

1606740542.jpg

पर्सा- वीरगंजलाई सीसीटिभी क्यामराको निगरानीमा राख्न झण्डै एक करोड लगानी गरिने भएको छ। 

NLG Insurance
agrakhi
Yeti parketing

२०६७ सालमा ८२ वटा सीसी क्यामरा निगरानीबाट सुरु भएको सेफर वीरगंजको सीसीटिभी क्यामराहरु विग्रेर ५२ वटामा झरेका छन्। 

यसलाई थप सुदृढ बनाउन एक करोड रुपैयाँ सहयोग उठाउन लागिएको सेफर वीरगंजका संयोजक मनोज दासले जानकारी गराएका छन्।

वीरगंजको घण्टाघर, माईस्थान, गीता मन्दिर, आदर्शनगर, मकालु चोक, पुजनहोटल चोक रोड, ठाकुरराम क्षेत्र, लिंकरोड, बसपार्क, गण्डक, रजतजयन्ती चोकलगायत क्षेत्रमा जम्मा ५२ वटा सीसीटिभी क्यामरा मात्र सञ्चालनमा रहेका छन्। यसलाई थप विस्तार गर्न राजनीतिक दल, उद्योगी, व्यापारी लगायतलाई भेला गरिएको संयोजक दासले जानकारी गराए। 

सीमासँग जोडिएको वीरगंज सहरमा उतिबेला अपराधिक घटनालाई न्यूनिकरण गर्न सीसी क्यामरा जडान तथा निगरानीको काम बढाइएको थियो।

वीरगंजका विभिन्न सडक, चोक, बजार क्षेत्रमा सीसीटिभी क्यामेरा जडान गरी निगरानी गर्ने र सुरक्षित बनाउने योजना अनुरुप थप क्यामराको जडान गर्न लागिएको दासले बताए।

जिल्ला प्रहरी कार्यालय पर्साको सहजीकरणमा वीरगंजको उद्योग वाणिज्य संघमा आयोजित छलफल कार्यक्रमस्थलमै ८० लाख बराबरको सहयोग प्राप्त हुने सुनिश्चितसमेत भएको छ। 

कार्यक्रममा सांसद प्रदीप यादवले आफ्नो निर्वाचन क्षेत्र विकास कोषबाट १० लाख, प्रदेश सांसदहरु विभा यादव र करिमा बेगमले ५/५ लाख रुपैयाँ, वीरगंज महानगरको विभिन्न वडाको करिब ८ वटा वडा कार्यालयले ३–३ लाख आर्थात् २४ लाख सहयोग गर्ने प्रतिबद्धता व्यक्त गरेका छन्।

त्यसैगरी अन्य विभिन्न व्यक्तिहरुबाट संस्थागत रुपमै ८० लाखसम्म सहयोग पाउने आश्वासन आएको संयोजक मनोज दासले कार्यक्रममा जानकारी गराए।

प्रदेश सासद ओमप्रकाश शर्मा, राजेश्वर साह तेली, रमेश कुर्मी, जन्नत अन्सारी लगायत ४ जनाबाट पनि सहयोग पाउने आशा छ।

करिब १ करोडको खर्च गरी वीरगंजको सुरक्षा अवस्था चुस्तदुरुस्त पारिने सेफर वीरगंज र जिल्ला प्रहरी कार्यालय पर्साको लक्ष्य छ।

कार्यक्रममा सांसद प्रदीप यादवले वीरगंज भन्सारदेखि माइस्थान घण्टाघरको मुख्य सडक विस्तार हुने भएकाले सो क्षेत्रको सीसीटिभी क्यामेरा जडानमा ढिलाइ गरी महानगरभित्र सीसीटिभीको आवश्यकता अनुसार क्यामरा जडान गर्न आग्रह गरेका छन्।

छलफलमा वीरगंजमा चोरी, डकैती, हत्या, अपहरणलगायत अपराधिक घटनाबाट जोगाउन अन्य व्यक्तिहरुले समेत सहयोग गर्ने प्रतिबद्धता जनाएका थिए। 
 

प्रतिक्रिया दिनुहोस्