समाचार

बर्दिवासको प्रदर्शनमा दुई प्रहरी घाइते

1606283850.jpg

जनकपुरधाम- ६ वर्षिया बालिका गुलबसाको हत्यापछि बर्दिवासमा भएको प्रदर्शनको क्रममा प्रदर्शनकारीले हानेको ढुंगा तथा सीसाको बोतल लागेर दुई प्रहरी घाइते भएका छन्। 

agrakhi
Yeti parketing
honda

प्रदर्शनका क्रममा एक प्रदर्शनकारीको मृत्यु भएपछि बर्दिवासमा लगाइएको निषेधाज्ञा तोडेर चलिरहेको प्रदर्शनको क्रममा ढुंगा लागेर दुई प्रहरी घाइते भएको महोत्तरीका प्रमुख जिल्ला अधिकारी कृष्णप्रसाद कटुवालले जानकारी दिएका छन् । 

सीसाको बोतल लागेर प्रहरी जवान अर्जुन प्रसाद बानियाँ र अर्का जवानको घुँडामा चोट लागेको कटुवालले बताए । उनीहरुको उपचार भईरहेको प्रजिअ कटुवालले बताए । 

पीडित पक्षसँग वार्तामा सहमति भइसकेको अवस्थामा केही उचछृंखल तत्वहरु प्रदर्शनलाई जारी राखेका छन्, प्रजिअ कटुवालले भने, ‘वार्तामा उनीहरुको माग सम्बोधन गर्नका लागि पहल गर्ने सहति भईसकेको छ, तैपनि केही उच्छृंखल तत्वले प्रदर्शन गरिरहेका छन् ।’

प्रदर्शनकारीहरु लुकेर ढुंगा ईँटा तथा सीसाका बोतलहरु प्रहार गरेकोले प्रहरी घाइते भएको उनले बताए । 

निषेधाज्ञाको समय प्रदर्शन र नाराबाजी गरेको भन्दै प्रहरीले अश्रु ग्यास प्रहार गरेपछि स्थानीयले प्रहरीलाई ढुंगा र खाली बियरका बोतलले प्रहार गरेका थिए ।

प्रतिक्रिया दिनुहोस्