काठमाडौं– स्पेनिस ला लिगमा शनिबार राति सम्पन्न खेलमा एट्लेटिको मड्रिडले भिल्ला रियलसँग गोलरहित बराबरी खेलेको छ। एट्लेटिकोको वान्डा मेट्रोपोलिटानो रंगशालामा सम्पन्न खेलमा उसले बराबरी खेल्दै अंक बाँडेको हो।
पहिलो खेलमा सानदार जित निकाल्दै लिग सुरु गरेको एट्लेटिकोले दोस्रो र तेस्रो खेल बराबरीमा टुंग्याएको छ। उसको अंकतालिकामा पाँच अंक छ भने पराजित भिल्लारियलले पाँच खेलबाट ८ अंक बनाएको छ।
शनिबार राति नै सम्पन्न खेलमा भ्यालेन्सिया रियल बेटिससँग २–० गोलले पराजित भएको छ। यता बेटिसको जितका लागि सर्जियो कानलेस र क्रिस्टियन टेल्लेले १–१ गोल गरे।
जितसँगै रियल बेटिस ला लिगाको शीर्षस्थानमा छ। उसले ५ खेलमा ९ अंक बनाएको छ। त्यस्तै, पराजित भ्यालेन्सिया ७ अंकका साथ छैटौं स्थानमा छ।
ला लिगाकै शनिबार राति सम्पन्न अर्को खेलमा रियल सोसिडाडले गेटाफेलाई ३–० गोलले हराएको छ।