काठमाडौं– जारी इन्डियन प्रिमियर लिग(आईपीएल)मा शनिबार राति सम्पन्न खेलमा कलकत्ता नाइट राइडर्सलाई हराउँदै दिल्ली क्यापिटलले तेस्रो जित निकालेको छ। दिल्लीले कलकत्तालाई १८ रनले हराएको हो।
पहिलो पारीमा ब्याटिङ सम्हालेको दिल्लीले सम्पूर्ण ओभर खेल्दै ४ विकेट गुमाएर २२८ रन बनाएको थियो। २२९ रनको लक्ष्य लिएर मैदान छिरेको कलकत्ताले २० ओभरमा ८ विकेट गुमाएर २१० रनमा समेटिएपछि दिल्लीले जित निकालेको हो।
जितका लागि दिल्लीका कप्तान श्रेयस अयरले अविजित सर्वाधिक ८८ रनको योगदान दिए। मैदानमा २६ रन बनाएका शिखर धवन र मध्यक्रमका ऋषभ पन्तले ३८ रन बनाउँदा दिल्ली उत्कृष्ट लयमा थियो।
त्यस्तै, ओपनर पृथ्वी शाहले पनि ६६ रनको अर्धसतकिय पारी खेले।
यता कलकत्ताका आन्द्रे रसेलले दुई विकेट लिए भने वरुण चक्रवर्ती र कमलेस नगरकोटीले समान १–१ विकेट लिए।
जवाफी ब्याटिङमा आएको कलकत्ताका नितिस रानाले सर्वाधिक ५८ रनको अर्धतसतकिय पारी खेले। त्यस्तै, ओपनर शुभम गिलले २८, इयोन मोर्गनले ४४ रन बनाए भने राहुल त्रिपथी ३६ रन बनाएर आउट भए।
यता दिल्लीका एनरिच नोर्टजेले तीन विकेट गिरा एभने हर्षल पटेलले दुई विकेट लिए।
जितसहित ६ अंक बनाएको दिल्ली अंकतालिकाको शीर्षस्थानमा फर्किएको छ। समान ६ अंक बनाएको रोलय च्यालेन्सर्ज बैंगलोर नेट रन रेटका आधारमा दोस्रो स्थानमा झरेको छ।