काठमाडौं- पछिल्लो २४ घण्टामा नेपालमा थप २ हजार १२० जनामा कोरोना संक्रमण पुष्टि भएको छ। यो सहित देशभर कोरोना संक्रमितको कुल संख्या ८४ हजार ५७० पुगेको छ।
आज देशभर सक्रिय संक्रमितको संख्या २१ हजार ३०२ छ। जसमध्ये संस्थागत आइसोलेसनमा ९ हजार ७७३ छन् भने होम आइसोलेसनमा ११ हजार ५२९ छन्।
पछिल्लो २४ घण्टामा १२ हजार ९७८ जनाको पीसीआर परीक्षण गरिएको छ। यो सहित हालसम्म नेपालमा १० लाख ६१ हजार ६६४ जनाको पीसीआर परीक्षण भएको छ।
पछिल्लो २४ घण्टामा नेपालमा थप ८ जनाको कोरोना संक्रमणबाट मृत्यु भएको छ। यो सहित नेपालमा कोरोनाबाट मृत्यु हुनेको संख्या ५२८ पुगेको छ।