७ जिल्लामा पाँच सयभन्दा बढी संक्रमित, तीन जिल्ला संक्रमित शून्य

काठमाडौं– मुलुकका सात जिल्लामा कोरोना भाइरस संक्रमितको संख्या ५०० भन्दा धेरै रहेको छ। ती जिल्लामा मोरङ, सिरहा, काठमाडौं, भक्तपुर, ललितपुर, चितवन र रुपन्देही छन्। 

शुक्रबार मोरङमा १५०, सिरहामा २२ र काठमाडौंमा एक हजार २८० जना संक्रमित थपिएका छन्। 

यस्तै भक्तपुरमा १९६, ललितपुरमा १६२ र चितवनमा ८६ जना संक्रमित थपिएका छन्। रुपन्देहीमा आज ९२ जनामा कोरोना संक्रमण भएको छ। 

आज डोल्पा, मनाङ र मुस्ताङमा कोरोना संक्रमितको संख्या नरहेको स्वास्थ्य तथा जनसंख्या मन्त्रालयले जनाएको छ।