सुर्खेत– ११ ग्राम ब्राउन सुगर (लागुऔषध) सहित सुर्खेतमा चार जना पक्राउ परेका छन् ।
मोटरसाइकलमा ब्राउन सुगर लुकाएर सुर्खेतबाट नेपालगञ्ज जाँदै गरेका उनीहरुलाई प्रहरीले भेरीगंगा नगरपालिका–५ बबईबाट पक्राउ गरेको हो ।
पक्राउ पर्नेहरुमा वीरेन्द्रनगर वडा नम्बर ८, ११ र कालिकोट पचालझरणा गाउँपालिकाका दुई–दुई जना छन् । तर पक्राउ पर्नेहरुको नाम भने खुलाइएको छैन ।
लागुऔषध कारोबारीको सञ्जाल नै हुनसक्ने भन्दै पक्राउ परेकाहरुको विवरण नखुलाएको प्रहरीको भनाइ छ । उनीहरुले प्रयोग गर्ने भे ७ प ९९२३ र भे ९ प ९०१७ नम्बरको मोटरसाइकलसमेत प्रहरीले नियन्त्रणमा लिइको छ ।